O Plan de convenios de servizos sociais de atención primaria vénse desenvolvendo dende o ano 1996.
A súa continuidade durante o ano 2010 sostense na nova Lei 13/2008 do 3 de decembro de servizos sociais de Galicia, a cal pasa a denominar SERVIZOS SOCIAIS COMUNITARIOS BÁSICOS (no seu artigo 8.a.) o que a anterior lei definía como SERVIZOS SOCIAIS DE ATENCIÓN PRIMARIA ,comprendendo as mesmas funcións.
O artigo 63 da nova lei asigna as seguintes competencias ás deputacións provinciais:
"As deputacións provinciais, de conformidade co disposto na normativa de réxime local, proporcionarán asistencia económica, técnica e xurídica aos concellos na execución das súas competencias na materia de servizos sociais, especialmente na prestación dos servizos sociais comunitarios básicos por aqueles concellos con menos de 20.000 habitantes".
Se ben o Plan de convenios de servizos sociais nas súas orixes se dirixiu cara aos concellos máis desfavorecidos, na actualidade abarca a todos os concellos da provincia da Coruña con menos de 20.000 habitantes, renovándose anualmente.
O obxectivo desta cooperación consiste na axuda para as retribucións do persoal que se especifica, directamente adscrito aos seguintes programas: Programa de valoración, orientación e información, Servizo de educación e apoio familiar e Servizo de axuda no fogar básico.
Son obxecto de convenio, os seguinte módulos:
PROGRAMA DE INFORMACIÓN, ORIENTACIÓN E ASESORAMENTO
|
MÓDULOS
|
PERSOAL
|
|
Módulo I
|
Traballador/a social con xornada completa
|
|
Módulo II
|
Traballador /a social e/ou auxiliar administrativo/a
|
SERVIZO DE EDUCACIÓN E APOIO FAMILIAR
|
MÓDULOS
|
PERSOAL
|
|
Módulo III
|
Educador/a familiar e/ou Técnico/a de intervención familiar
|
SERVIZO DE AXUDA NO FOGAR BÁSICO
|
MÓDULOS
|
PERSOAL
|
|
Módulo IV
|
Auxiliares de axuda no fogar
|
* O Módulo I só se asignou na primeira fase do plan de convenios a aqueles concellos nos que foi necesaria a contratación dun/dunha traballador/a social, xa que ata este momento unha soa persoa debía atender a máis dun concello. O obxectivo deste módulo era que cada concello puidese ter un posto con persoal especialista en traballo social en exclusiva.
* Este módulo I é incompatible co financiamento do plan concertado de prestacións básicas de servizos sociais en corporacións locais do Ministerio de Sanidade e Politica Social.
Ver relación
